Max Planck

Dr Max Karl Ernst Ludwig Planck (* 23. April 1858 z Kiel; † 4. Oktober 1947 z Göttinge) isch e bedütende dütsche Füüsiker uf em Gebiet vo dr Theoretische Füsik gsi. Er gältet as dr Begründer vo dr Kwantefüsik. Für d Entdeckig vom plancksche Wirkigskwantum het er 1919 d Nobelbriis für Füsik vom Joor 1918 überchoo.^[1]

Dr Planck het z München und Berlin studiert, isch 1885 uf Kiel, 1889 uf Berlin. Dört het er sich mit dr Straalig vo Schwarze Körper beschäfdigt. 1900 het er si Straaligsformle vorgstellt, wo die Straalig zum erste Mol richdig beschriibe het. Mit däm het er dr Grundstäi für die modärni Kwantefüsik gläit.

1. ↑ nobelprize.org: The Nobel Prize in Physics 1918